HomeRadio Vatikan
foto testata   
Andere Sprachen  
    
 Home > Nuntii Latini


Die undevicesimo mensis Septembris anni bismillesimi quarti decimi

E Civitate Vaticana. Cardinalis Koch: In dialogo cum Orthodoxis progressus
Commissio omnium gentium dialogo fovendo Ecclesiae tam Catholicae quam Orthodoxae in sessione Philadelphiae in Iordania habita de textu, qui ad primatum et synodalitatem spectavit, non convenerunt, id est: schema de quaestionibus fundamentalibus constitutionis Ecclesiae in colloquiis septem dierum ab omnibus non probatum esse patet. Licet Philadephiae inter se dissentirent, consensionem tamen crescere Cardinalis Curiae Romanae in Statione Radiophonica Vaticana percontatus percepit, praesertim cum parati essent ad quaestiones difficiles, quae in...»

Die vicesimo tertio mensis Septembris anni bismillesimi quarti decimi


E Civitate Vaticana: Commissio particularis ad causas matrimoniales reformandas constituta est
Franziscus, universae Ecclesiae Pastor, commissionem particularem constituit, qui instaurationem processuum canonicorum ad matrimonia nulla declaranda susciperet. Hoc die Saturni (Sabbato) in Curia Romana notum factum est. Commissioni huic Decanus Tribunalis Rotae Romanae, Pius Vitus Pinto nomine, praeerit. Instauratione proposita intenditur, ut processus causarum matrimonialium simplex reddatur „principio indissolubilitatis matrimonii servato“. … In causa matrimoniali investigatur, num matrimonium validum, ut ab Ecclesia...»

Die secundo mensis Septembris anni bismillesimi quarti decimi


Nuntii Latini ob ferias interpretis hebdomada secunda mensis Septembris non in lucem edentur.

Una et sancta Ecclesia et peccatum grave divisionis
Beatissimus Pater Franciscus Mercurii die admissis post ferias aestivas multis, qui denuo in Area Petriana, non in aula hominibus admittendis convenerant, recoluit in proximo Deum cognoscere, in eo condicionem sanctam Ecclesiae consistere. “Cum professionem fidei proferimus, confirmamus Ecclesiam “unam et sanctam” esse Franciscus Papa explicavit instructiones catecheticas de Ecclesia continuans. “Unitas”, inquit, et “sanctitas” Ecclesiae, quas in Credo profitemur, a Deo proficiscuntur....»

Die vicesimo sexto mensis Augusti anni bismillesimi quarti decimi


E Civitate Vaticana. Beatissimus Pater Franciscus cum parentibus necati telefonice collocutus est
Franciscus cum parentibus photographici relatoris, Iacobi Foley nomine, cuius caput in Iraquia amputatum est, telefonice collocutus est dolorem suum eis die Iovis (feria quinta) telefonice communicando et se eis hoc momento temporis difficili coniunctum esse promittendo. Foley quadraginta annos natus duo ante annos in Syria vi abductus a fautoribus proelii in via ad deum, qui vulgo „Dschihadisten“ appellantur, nuper necatus est. Auctores necis imagines televisificas in interrete publicaverunt, quibus capitis amputatio illius civis...»

Die vicesimo mensis Augusti anni bismillesimi quarti decimi

Papa episcopos Coreanos monuit, ne huic saeculo sese accommodarent
Beatissimus Pater Franciscus episcopos Coreanos monuit, ne vita spirituali et cura animarum huic sese accommodarent saeculo. Franciscus Papa cum episcopis Coreanis die Iovis (feria quinta) Seuli colloquens dixit in regione copiis locupleti et unum materialismum spectante, ut in Corea, Ecclesiam tentari, ut omnis generis modum gerendi et consilia ad res negotii gerendi pertinentia assumeret, quo etiam episcopi impellerentur ad vitae modum et “mentem, qui normis mundi de succesu et re vera de potestate magis dirigerentur”.

Benedictus Papa emeritus bene valet
Benedictus XVI...»

Die duodecimo mensis Augusti anni bismillesimi quarti decimi

Papa percontatus cuidam stationi radiophonicae Argentinae respondit
Franciscus Papa Veneris die (feria sexta) directae transmissionis stationis radiophonicae variarum parociarum Argenitinae telefonice partem cepit interrogationibus moderatoris respondens. Francicsus Papa inter alia in colloquio confirmavit cultum Mariale “adorationem” non esse, sed vero est “quodammodo cor populorum Americae Latinae pietatis”. Dixit Papa: „Filius sine matre animam habet mutilatam.“ Iterum Francisus Papa recoluit Ecclesia „in via“ manere debere: „Si Ecclesia constiterit, Ecclesiam esse cessat et quaedam consociatio iuris civilis fit.“

Cardinalis...»

RealAudioMP3 Die quinto mensis Augusti anni bismillesimi quarti decimi


E Civitate Vaticana: De ritu pacis loco consueto servando, sed sobrius persolvendo
Ritus pacis in liturgia catholica locum consuetum habeat, tamen sobrius persolvatur, ut in litteris circularibus Congregationis pro Cultu Divino et Disciplina Sacramentorum, quae ad omnes Conferentias Episcoporum missae sunt, publici iuris factum est. Synodus Episcoporum anno bismillesimi quinto habita et Benedictus XVI Summus Pontifex ipse, ut huic ritui provideretur, proposuerunt, cum loco, ubi adhuc paulo ante sanctae communionis administrationem persolveretur, turbaret. Praefectus Antonius Cardinales Canizares Lloveres litteris die septimo mensis...»

RealAudioMP3 Die undetricesimo mensis Iulii anni bismillesimi quarti decimi


E Civitate Vaticana. Angelus Cardinalis Scola Coloniam Agrippinam mittetur
Romanus Pontifex Franciscus Angelum Cardinalem Scola, Archiepiscopum Mediolanensem, Coloniam Agrippinam, ut vicem suam gerens celebrationibus anniversarii octogesimi quinquagesimi translationis reliquarum Trium Sanctorum Magorum/Regum interfuturus sit, mittet. Cardinalis Scola, ut Sedis Apostolica notum fecit, die duodetricesimo mensis Septembris occasione peregrinationis pietatis causa in ecclesia cathedrali habendae data Coloniam Agrippinam petet. Reliquiae ab Archiepiscopo Rainaldo von Dassel praeda Mediolano Coloniam Agrippinam translatae sunt. Urbs...»

RealAudioMP3 Die vicesimo secundo mensis Iulii anni bismillesimi quarti decimi


E Civitate Vaticana. Franciscus: „Deus nos exspectat cor in manu sua habens“
Malum mundi non a Deo venit, sed ab inimico Eius, id est Satano. Hoc Franziscus Papa Dominica Die occasione precationis Angelicae in Area Petriana factae confirmavit parabola boni seminis et zizaniae ab inimico superseminatae explicata, quae Die Dominica in Evanglio lecta erat. Verbum haebraicum zizaniae eandem habere radicem ac Satanae et „discidium“ significare Franciscus Papa in memoriam revocavit. „Nos omnes scimus daimonium eum esse, qui zizaniam seminat, nam homines, familias, nationes et populos dissociare conatur.“

Papa telefonice cum...»

RealAudioMP3 Die decimo quinto mensis Iulii anni bismillesimi quarti decimi


Cohors Helvetica ad Poloniam sacram expeditionem fecit
Cohors Helvetica peregrinationis causa ad Poloniam iter fecerunt. Ab hebdomada proxima milites in coetibus certa ratione dispositi in patriam Summi Pontificis Ioannis Pauli II nuper canonizati iter fecerunt. Quotannis tempore aestivo Cohors Helvetica saram expeditionem ad quemdam locum magni momenti facit. Cum omnes milites manus, quae circa centum decem virorum comprehendit, eo tempore non peregrinationis causa iter facere possent, in tres coetus divisi sunt. Iter ad Poloniam ad Diem Dominicam usque protractum est sanctuarium Marianum, quod vulgo „Tschenstochau“ vocatur,...»



  Weiter »


hier Archiv der Latein - Nachrichten (bis 2012)



Über uns Programmschema Kontakt Freunde von RV RV-Freunde: Downloads Links Andere Sprachen Heiliger Stuhl Vatikanstadt Liturgische Feiern des Papstes
All the contents on this site are copyrighted ©. Webmaster / Credits / Rechtliche Hinweise / Werben auf Radio Vatikan